जम्मू कश्मीर में पीडीपी के संघे गठबंधन तोड़ि के भाजपा बताई देहेस कि उ अब 2019 के तैयारी में लगि गई बा। बीजेपी बताई देहेस की उ 2019 क चुनाव विकास के नाम पे नाहीं बल्कि हिन्दुत्व के ना पर ही लड़ी। महबूबा से राजनीतिक निकाह कइके जवन भाजपा ताना सुनत रही, अब ओसे पीछा छोड़ाई लेहे बा।
बताई देई कि बीजेपी बढ़िया से जानत बा कि उ केतनौ मुसलमानन बदे कई देई लेकिन मुसलमान ओके वोट देई वाला नाहीं हयेन। ओनकर बस एकई मतलब रह थ कि कउनो तरीके बस भाजपा के हरावे के बा। भाजपा वाले इहौ जानत हयेन कि मुसलमान मोदी के नाम पे वोट त एकदम्मै नाही देई वाला हयेन। ओहर पीडीपी के साथ गठबंधन कईके अउर मुसलमानन के रिझाावे के थोड़ा बहुत कोशिश कईके आपन वोटबैंक भी नाराज करत रहेन।
देखल जाई त जवने तरीके से विपक्ष गठबंधन कइके मोदी के खिलाफ खड़ा होत बा ओसे काफी नुकसान हाई सक थ, इही बदे आपन हिन्दुत्व क छवि बचाये रखई बदे इ कदम उठाई लेहेन। विपक्ष वालन के माटी चटावई बदे ई बहुत जरूरी बा की जाति पांति में बटी हिन्दू वोटन के तबई अपने संघे लियाई सकथेन जब हिन्दुत्व कार्ड जमि के खेलिहीं। अउर कश्मीर में सरकार चलाई के इ नाहीं होई सकत रहा।
अब कश्मीर में सरकार रहत कई हिन्दू हित अउर हिन्दू अस्मिता क बात करतेन त केउ मानई वाला नहीं रहा। एके बदे भाजपा सोचेस कि बड़ा लाभ लेई के बा त छोटा नुकसान सहि ल। एके बदे भाजपा इहौ कहि सक थ कि भाजपा क महबूबा आतंकवादिन पर लगाम नाही लगाई सकत रहिन। अब एसे बड़ा सबूत का होई कि महबूबा जब रमजान में संघर्ष विराम क बात कहिन त भाजपा बड़े आराम से मानि लेहेस, लेकिन आतंकी आपन काम करत रहेन। कहई क मतलब बा कि भाजपा पहिले से सोचत रही कि इहै करई के बा।
सोचई वाली बात बा कि सठबंधन करई बदे जहां महबूबा के महीनन मनायेन उहीं एकई झटके में तलाक बोलि दिहेन। एसे इहौ लागत बा कि कश्मीर में आरएसएस वाले महबूबा पर एकदम भरोसा नहीं करत रहेन।
कश्मीर में सरकार बनावे क एक फायदा इहौ रहा कि भाजपा जम्मू कश्मीर में तीन साल तक अपने के मजबूत कई लेहेस, आपन पकड़ अउर संगठन मजबूत कईके 2019 में जंग लड़ई बदे तलाक बोल दिहेस। अब भाजपा पर जवन नरमी क ओरप लगत रहा ओसे मुक्ति पाई लेहेस अउर कश्मीर के सेना के हवाले कईके खुला खेल खेलई क छूट भी देहेस।
देखई वाली बात इहौबा कि अब कश्मीर क हालत बिगड़ी, सेना गुस्साई के सख्ती देखाई अउर ई सरकार क सख्त कदम अउर तेवर बताई जाई। सेना अउर सुरक्षाबलन क दमनकारी नीति देश के दुसरे प्रदेशन में सराकर क बहादुरी अउर कठोर फैसला देखइहीं। जवन हिन्दू वोटन के गोलिआवे बदे एक मस्त फार्मूला बा। जेकर असर देखाई लगे। भाजपा क आईटी सेल अब हिन्दू मुस्लिम क कार्ड खेलई क प्लान बनावत होई, जवन दुई चार दिन में देखाई लगी। भाजपा पीडीपी क ई तलाकनामा भाजपा बदे टानिक क काम करी जबकि महबूबा अब ई गईहीं की ”दिल तोड़ि दूहू तूं बेवफा, हमके गरीब जानि के।”
गूगल प्ले स्टोर से इंस्टाल करें समाचार ऐप
Hamara Purvanchal
और पायें हर खबर अपने मोबाइल पर
